Unser Baumweg.

Unser Gelände ist umgeben von vielen verschiedenen Bäumen und Pflanzen,
die Heimat vieler Tiere und Tierchen.

Was da so alles wächst und wer da lebt,
das wollen wir Ihnen und Ihren Kindern gerne zeigen.
Deshalb haben wir unseren Baumweg gebaut.

Schauen Sie sich alles an und erfreuen Sie sich an der Natur.

D` Erika sitzt auf am Tothoiz,
am oiden Bam, der irgendwann umgfoin is.

Dass in dem Hoiz drin
aba ois andre ois tot is,
des sigt ma,
wemma sis amoi näher betracht.

Unsa Spechtbam is amoi
a paar Meta weida drin im Woid gstandn.

Er war ned gsund und da Specht hod
mid eam a leichts Spui ghabt.

Er hod si sei Höhle neizimmert und
si de vuin kloana Käfer und Würm
schmecka lassn.

Do segts, wia de Bahm vorgstellt wern.

Des is a Woidkiefa.

Es erfahrts,
dass` 48 m hoch und 600 Joa oid
wern ko.
Dass` mid da Lärchn
de einheimische Hoizart is,
de am mehran Harz hod.

Und no vui mehra steht auf de Tafal.

Unsere Stars des Baumwegs...
De Waldameisen kennts do entdeckn.

Bei dene gibts narrisch vui
zum song und zum seng.

Mia gfrei ma uns,
dass` si vo selba hier ogsiedlt ham.

Füa de Kloana gibts no ebs zum Rätseln.

Do kennts zoang,
wos am Bahmweg scho glernt habts und
wos so wißts vo da Natur.

Dass` im Woid nia ganz stad is,
des wiss ma ja alle.

Wenns aba enga Ohrwaschl
an unsa Waldohr hoits,
nacha habts a ganz a neichs Klangerlebnis.

Des Klopfen vom Specht
des Rascheln vo de Bladl,
des Zwitschern und Singa
vo de ganzn Vogerl,
ois werd vastärkt.

Vui Spaß midm
Orchesta der Natur.

d Barbara gfreit si:
Mia hamma Zuwachs kriagt:

A Hirsch und a Rehbeckerl
sand uns zuaglaffa,
habts es scho gseng?

So a Wuidsau kon ganz sche züntig wern,
wennsd ihrm Frischling z nah kimmst.

Vor dera fürcht si d Maria ned.
Nachrenna kons ihra ned,
s Hoiz is zu gstarrad.

Oiso auf gehts.
Machts Eich aufn Weg, aufn Bahmweg.