Mia sand da offizielle Trachtenausstatter vo da
3. Fussball-Bundesligamannschaft des SV Wacker Burghausen.

Sepp Winklbauer und de ganzn nettn Dirndl vom Winklbauer ham si narrisch gfreit,
dass de tolln Sportler vo da 3. Fussball-Bundesligamannschaft eigwandn ham derfa.

Tracht ghört zu Bayern wia de Natur, de Heimatverbundenheit und de Lebensfreid.
Und so ghört de Tracht natürlich genauaso zu a boarischn Fussballmannschaft, oda?

Nachdems bei de Neuen a paar "Zuagroaste" gibt,
sand de erst amoi mit Bayern und seim Brauchtum bekannt gmacht worn.
Nach a herzlichn und lustign Begrüßung durchn Sepp Winklbauer
hats traditionell erst amoi a deftige Weißwurscht-Brotzeit gem.
Da Sepp hat de Spieler erklärt,
"wias eigwandt wern".

Für an manchn war des
de erste Lederhosn im Lebn.
Mia zoang ma Eich a paar Buidl vo dem scheena Nachmittag
im 1. Erlebnisdorf Bayern.

De Stimmung war bombig - so wia de Schüss vo de Stürmer.
De Spieler ham si in de Lederbundhosn wohl gfühlt,
als obs alle schon damit aufgwachsen wärn!
Wenns am Rudi Bommer genauaso aufmerksam zuhörn,
wia am Sepp bei da Erklärung vo da Tracht,
nacha kann a zfriedn sein.
Zuerst werd amoi Maß gnomma
und des duad da garantiert ned weh,
Harald (Bonimeier).
dErika ziagt ned z eng zam.
dKarin knöpfelt schee brav oa Hemd nachm andern auf.
De soll de Buam bloss ned so vawöhna.

Dahoam miaßns es wahrscheinlich selba macha?

A de Dani richt scho ois her.

Da braucht da Jup Cinar bloss no neifahrn.
Sepp und Erika gfrein si recht,
dass am Darlington de boarische Tracht
a so guad steht.
So, jetzt no dSchua o und
as Hosntürl zua...

dann is a fertig ozong,
da Youssef Mokhtari.
Fürn Rudi Bommer, an Trainer,
is koa Premiere in da Lederhosn.

De ham eam scho de Sechzger ozong.

Aba de, de eam da Sepp opasst hat,
de passt scho optimal.
Lederhosn und Schua,
ois muaß guad passn.

Drum is a so a Anprob
fast Schwerstarbeit.

Aber s macht gwiss a vui Freid,
so hams uns de Burschn gsagt.
Des macht scho was her,
so an Mannsbuid in da Tracht.

Wia vo links da
Thomas Leberfinger, da Max Urwantschky und
da Youseff Mokhtari.
Da hamma glei no amoi
drei so fesche Burschn für Eich:
an Harald Bonimeier,
an Ali Eberlein und
an Fatjon Celani

dMarie-Luise zoagt Eich,
wias an Mounir Chaftar in Bayern
eingbürgert hat.

De Silvia sorgt dafür,
dass a da Physotherapeut,
da Stefan Müller sei Tracht kriagt.
Rosmarie und Dani helfan dem Nicky Adler
schnell bei de Hosnträger,
damit er a an Kaffee tringa kon.
Nachdem de ganze Mannschaft
eigwandt war,
hamma no des Gruppenfoto gmacht.
Vaspuit sans und bleims,
de Mannsbuida.

Aba glockt hätt unsa Hirscherl
bstimmt scho mehra zum aufsteing.
Zum End hats im 1. Erlebnisdorf Bayern no traditionell an
original bayerischn Wettkampf gem: Des Messen vo da bayerischen Manneskraft, an Umfang vo de Wadl.
Oiso:

da Florian Hahn hat aufgruafa,
de Dani hat gmessen,
de Barbara hat aufgschriem und
da Sepp war mit seina Ziach bereit
für an Tusch.

Jetzt schaugts Eich amoi
a paar von de stramma Wadl o.

Vielleicht errats,
wems ghörn?
Was moanst jetzt du?
Glangan de Zentimeter für an Tusch?
So, des is jetzt da Beweis:

So a traditionelle Bundhosn mit
da Tellernaht macht scho an
extrem knackign Po, oder?

Wem der ghört,
des wiss ma mia aba ned.
Oiso,
de Wadl vom Sahr Senesie
sand a ned vo schlechte Eltern.
In dem Jahr hat da Christoph Burkhard
nachweislich de schmächtigstn Wadl.

Aber denk da nix,
des werd scho no, Christoph.

De Barbara hat an Trostpreis austeilt:
A Busserl aufs Backerl.
Gwonna hat:

Da Stefan Müller,
da schaugst her, oder?

Sei Ständchen war vom Sepp auf da Ziach,
begleitet auf da Teufelsgeign vom Florian Hahn.
Ned zu vagessn,
de Rythmusgruppn.

Es war a Erlebnis, des sag i Eich.
Mia wünsch ma da
Fußballmannschaft des SV Wacker Burghausen
in da 3. Bundesliga ganz vui Erfolg.

War schee, wemma in dera Saison narrisch vui Burghauser Tore zum seng kriang.