Scho ois Bua hat da Sepp Schaferl zücht. Sei ersts war a ganz a weiß, danach is a auf de Schwarzkopf-Schaf umgstieng.
De Schaffell hat a zerst oiwei beim Christbaumverkauf aufm Reichhof obotn.

Im Spätsommer 1989 hat da Sepp Winklbauer im elterlichn Reichhof, am Bio-Bauernhof in da Gemeinde Burgkircha, aus am ungnützten Eckstüberl und am Teil vom Hausgang (auf bayrisch "Flez") an Verkaufsraum mit Naturwollprodukte aus da eigna Schwarzkopf-Schafzucht mit 25 - 30 Muttertiern gmacht.

Kurz vor da Eröffnung im Herbst 1989 hat a an Lederbekleidungslieferantn kenna glernt. Ebs späda nacha hat a durch an ehemalign Rennfahrer Kontakt zu oana Motorradbekleidungsfirma kriagt. So warn im Sortiment glei vom erstn Tag o a Lederjackn und -hosn, modisch oder in Tracht und dazua Motorradlbekleidung. Sepp is in da Freizeit gern Motorradl gfahrn.

Über de Jahr is des Geschäft schrittweis aufbaut worn. Weil da Sepp zu dera Zeit no voll berufstätig war, war zerst bloss samstag und nach telefonischa Vereinbarung aufd Nacht offa. 1994 es des Gschäft vergrößert und am Nachmittag aufgmacht worn. Nette Mitarbeiter sand eigestellt worn.

Konzept und Philosophie vo unserm Geschäft ham si rumgsprocha. Damit hamma des Glück ghabt, oiwei mehra tolle Markn in unser Programm aufnehma z kenna. Modenschaun und Ausstellungen sand organisiert worn und a eigne Reparatur- und Änderungsschneiderei is eigericht worn.

Aber ned nur des: Scho boid is de eigne Winklbauer - Kollektion produziert worn. Artikel, de mit unserm Logo verseng sand, sand aus Eigenproduktion oder vo uns so in Auftrag gem worn.

ANTON is born worn.

Es handelt si dabei um a Trachten-Lederhosn und Jackn für Motorradlfahrer. Alle zwoa Teile besitzn de volln Funktionen vo a Motorradbekleidung, sand z.B. mit geprüfte Sportprotektorn ausgrüst. De Kollektion hat gleich zu Beginn a groß Medieninteresse ausglöst. Alle großn Motorradzeitschriftn ham berichtet und a im Fernsehn, vor oim im DSF, is scho x-mal übern ANTON berichtet worn.

Im Sommer 2001 is da Sepp Winklbauer zum Motorradhändler des Jahres kürt worn. Ausgwählt aus ca. 8000 Händler aus Deutschland, Österreich und da Schweiz im Bereich "Bekleidung" vo da Zeitschrift "Motorradhändler". Darauf samma no heut stolz.

Sepp mit seina Trophäe als Motoradhändler des Jahres 2001

ehemaliger Astener Gutshof

unsa Frühstücksbuffet

unsa Esprit Megashop 2004

unsa lebensgroß Bauernkripperl aus Heu

2006 i kräftig renoviert worn in da 1. Erlebnis-Einkaufswelt mit Wohlfühlgarantie.
Der Name: Des war für uns koa Schlagwort sondern a Programm.

De Wänd vo unserna urign Wirtschaft sand mit oidm Holz täfelt worn.
Und dann hat si da Sepp Winklbauer an oidn Traum erfüllt:
Ind Wirtschaft is a Kamin mit am offnam Feuer eibaut worn.
A Jeda vo uns woaß, wia guad ma si fühlt, wemma des Züngeln vo de Flammen beobachtn konn. Des duad wohl und schenkt innere Rua.

A in unserm Untergeschoß, in dar Motorradlabteilung und im Schnäppchenkeller hamma vui mit altm Holz garbeit. De Betonsäulen und - balken sand a vakleidet worn.
A Wasserrad, nach oidm Vorbild baut, hat ja scho vorher zua guadn Atmosphäre beitrang.
Oids Holz, Wohlfühlbrunnen nach Feng Shui, a leise Musi und angenehme Düfte, des macht des Besonderne bei uns aus. Und natürlich de nettn, herzlichn Dirndl de bei uns für Eich do sand.

So ist aus da altbekanntn und bewährtn Winklbauerwelt damals de
1. Erlebniswelt mit Wohlfühlgarantie worn.

Im Frühjahr 2007 is ausm Spielplatz a Erlebnishof für Kinder und Erwachsne worn.
Riesenrutsche, Wippe, Trampolin, Kinderfuhrpark, Baumhaus, exklusive Ruhe-Liegen
und viele Infos und Kunstwerke um und aus Holz.

da Erlebnoshof für Groß und Kloa

Wenns an Jagerstand erklimmts, nacha findts a Fernglas vor.
Und a Tafel mit de Bergen, des vouns aus segts. Jetzt hoaßts suacha und findn.
Ihr machts ganz oafach Urlaub vom Alltag, direkt am Waldrand.
Des Vogelgezwitscher gibt`s dabei in natura.

Versäumts ned, de älteste Wetterstation da Welt bei uns zu bstauna, de aus am dürrn Fichtenstamm bsteht.
Des Prinzip funktioniert a manchs Moi bessa ois unserne moderna Wettersatellitn.

De Einkleidung vo a damalign Fußball-Regionalligamannschaft (heute 3. Bundesliga)
des SV Wacker Burghausen war a Höhepunkt im Jahr 2007.
Mia sand da offizielle Trachtenausstatter vo de sympathischn Sportler.

Mit de Jahr is unser Erlebniswelt oiwei gwachsn.
Mit de Holzhäuser im Laden, de Hütten draußt, da urign Wirtsstubn und oim „drum und dran“ is zum:

1. Erlebnisdorf Bayern worn. Darauf samma narrisch stolz.

Im Frühsommer 2008 is dann unser Bio-Almhüttn fertig worn.
Baut nur mit ökologische Materialien, mit abgschirmte Elektrokabel und ohne Kupfermaterialien. Da Schlafraum hat a Netzfreischaltung geng an Elektro-Smog.
Ebs ganz Besonders is de Vertäfelung mit Zirbenholz. Essenschatlich is erwiesn, dass Eich mit dem Holz pro Nacht 3500 Herzschläg oder oa Stund Schlaf sparts.

In da Bio-Almhüttn könnts übernachtn und Urlaub macha.
Des Ferienhäusl is vom Deutschen Tourismusverband e.V. mit 3 Sternen auszeichnet worn.
Es bietet Platz für 3 Personen und is komplett als Selbstversorgerhüttn ausgstattet.

De urige Wirtschaft am offna Kamin, wos am Stammtisch scho bisher gmiatlich Brotzeit gmacht habts, is im Herbst 2009 zu am kloana aber feina Speiselokal worn.
Aus a kloana Kartn könnts kalte und warme bayrische Gerichte bstelln, de für Eich oiwei frisch ohne Mikrowelle hergricht wern. De meistn Lebensmittel sand aus biologischm Anbau.

Seitm Frühjahr 2010 is des Wasser bei uns im Haus belebt, oiso lebendig.
Nachm Grander Verfahrn bekommts auf natürliche Weis a sehr hohe und biologisch wertvolle Qualität. Es erlangt de Eigenschaften wieda, wias vo da Natur selm vorgsehn sand. Des schmeckt man scho beim erstn Glaserl.

Bei uns ko ma essn und übernachtn, wia a scho friara im 1971 erbautn Gasthof Alpenblick und spätern Astener Gutshof.

So is aus am Verkaufskammerl im Jahr 1989 des heutige

1. Erlebnisdorf Bayern worn.

Unser Gelände is umgem vo vui verschiedne Bäum und Pflanzn,
des isd Heimat vo vui Tiere und Tierchen.
Was da so ois wachst und wer da lebt, des woll mar Eich und de Kinda gern zoang.

Drum hamma unsern Baumweg baut. Im Sommer 2010 hamman eröffnet.
Schaugts Eich ois a und gfreits Eich an da Natur.

Oa Station vom "Bahmweg" is unsa Woidohr. Wenns des Ohrwaschl hihoits, nacha werd a jeds Gräusch vom stadn Woid vastärkt. As Klopfn vom Specht, des Raschln vo de Blattln im Wind, as Singa vo de Vogal. Hoachts aufs Orchesta vo da Natur.

Ganz interessant is a unsa Spechtbahm.
Er war ned gsund und da Specht hod mid eahm a leichts Spui ghabt.
Er hod sei Loch neizimmat und hod si de Käferl und Würm schmecka lassn.

De absolutn Stars vo unsam Bahmweg sand de lebadn Woidameisn.
Mia gfrei ma uns, dass se si ganz vo alloa bei uns ogsiedlt ham.
Do gibts oiwei ebs zum seng und entdecka.

unsa vergrößerte Bio-Almhüttn 2011

Im Jahr 2011 hamma wieda was Scheens oganga: Mia hamma unsa Bio-Almhüttn erweitert.
Jetzt könnts mit bis zu siebn Persona übernachtn. Mia ham a Zimmer mit 25 qm obaut.
Da drin is a urigs Stockbett und a ganz gmiatlichs Ecksofa.
Damits Eich so richtig guad fühlts, gibts a Infrarot-Saunakabine, außerdem an Ofa zum ohoazn.
A zwoate Toilettn hamma a im Innern vo da Hüttn eigricht.
Glei neba da Hüttns steht a großa Stoafindling. Aus dem sprudlt as Wassa und lafft in am Bachal an Berg obi.

Schaugts es Eich amoi o, wenns bei uns heraus seids.

A in Zukunft werma uns vui eifoin lassn, damits beim Bsuach im
1. Erlebnisdorf Bayern ned nur in Sacha „Einkauf“ an Spaß habts.

Sondern, dass des ganze „Drumherum“ passt und

de ganze Familie a Freid hat, wenns zum Winklbauer geht,
ins 1. Erlebnisdorf Bayern.